Nomozova Shaxnoza Rajabovna

1997-1998-o‘quv yilidan buyon boshlang‘ich sinf o‘qituvchisi bo‘lib faoliyat yuritib kelmoqdaman. 1-toifali,ona tilidan A darajali sertifikatim, rus tilidan C1 sertifikatim bor. Maktabda metod sho‘ba rahbariman, yetakchi o‘qituvchiman. O‘zimni maqtashim noqulay-u. Hamkasblarim kreativ ustoz deb eʼtirof etishadi . Ish uslubim doim yangilik yaratishga intilaman. O‘quvchilar har bir darsdan yangi, asosiysi foydali maʼlumot olishlari uchun harakat qilaman. Ishimni oiladan ham ustun qo‘yishimdan baʼzida eʼtiroz ham eshitaman. Bo‘sh o‘zlashtirayotgan o‘quvchilarga qattiq eʼtibor beraman. Hatto uyimgayam olib kelib dars o‘taman. Albatta bepul. Qo‘shimcha dars o‘tganim uchun pul olishni xohlamayman. Alloh qodir qilguncha o‘rgatishni niyat qilaman. Ilm o‘rganishga intiluvchi o‘quvchilarni doim qo‘llab-quvvatlayman. Albatta qo‘ldan kelgunicha. Zero Ilmni asrabon netgumdir oxir, Olib tufroqqamu ketgumdir oxir.