Xasanboyev Shukrullo Mahmudjon oʻgʻli

#Seni_farzandining_Yozyovon! ShUKRILLO XASANBOYEV ,,YIL OʻQITUVCHISI" G‘OLIBI!      21-maktabning ona tili va adabiyot fani oʻqituvchi Shukrillo  Xasanboyev  "Yil oʻqituvchisi - 2026" tanlovida gʻolibi boʻldi. U 2016-yil Fargʻona davlat universitetining Filologiya va tillarni oʻqitish: oʻzbek tili fakultetiga qabul qilinadi. 2020-yili mazkur oliy oʻquv yurtini muvaffaqiyatli tamomlab  Suvliariq qishlogʻidagi 21-maktabda  pedagoglik faoliyatini boshlagan.    Yosh ustoz qisqa davr mobaynida oʻz bilimi hamda tirishqoqligi tufayli ikki yilda oliy malaka toifasiga erishdi. 2024-yilda O‘zbekiston Respublikasi Xalq taʼlimi vaziri ustamasi sohibiga aylandi. 2023-yildan to shu vaqtga qadar uch marotaba Bilim va malakalarni baholash agentligi tomonidan tashkil etilgan milliy sertifikat imtihonlarida uch karra "A+" darajani qoʻlga kiritgan.     2022-yili MMTV tomonidan tashkil etilgan "Yoshlar teatr studiyalari" tanlovida maktab oʻquvchilari bilan suratga olgan Mahmudxoʻja Behbudiyning "Padarkush" dramasi viloyat miqyosida faxrli 1-oʻrinni qoʻlga kiritdi. 2025-yilning kuzgi pedagog kadrlar ettestatsiya sinovida 92 ballni qoʻlga kiritib, 70 foizlik ustama va "Yil oʻqituvchisi" tanlovining 1-bosqichidan muvaffaqiyatli oʻtdi.     Ushbu tanlovning 2-bosqichida Margʻilon shahridagi 24-maktabida pedagogik mahorat sinovidan oʻtdi. Bunda Shukrullo Xasanboyev tomonidan 9-sinflar uchun "Navoiy - 30" kitobi mavzusida tashkil etilgan dars hakamlar hay'ati tomonidan maksimal 60 ball bilan baholandi. Ovoz yigʻish bosqichida 39,9/40 ballga erishib jami 99,9 ball bilan respublika miqyosida maksimal natija qayd etdi. 3-bosqichda kitobxonlik yuzasidan tashkil etilgan sinovda 93,8 ball bilan "Yil oʻqituvchisi - 2026" tanlovi gʻolibiga aylandi.     O‘zbekiston Respublikasi Vazirlar Mahkamasining 2025 yil 28 apreldagu 264-son qaroriga asosan, Shukrillo Xasanboev Maktabgacha va maktab taʼlimi vaziri jamgʻarmasiga qoʻshimcha ajratilgan mablagʻlarni qayta taqsimlash hisobidan bazaviy hisoblash miqdorining 1 400 baravariga teng pul mukofoti bilan taqdirlanadi.     Eng quvonchli tomoni, Shukrillo Xasanboev 2019-yili  ,,Markaziy Farg‘ona" gazetamiz tahririyatida amaliyot o‘tagan.       Izlanuvchan yosh pedagogning bunday marraga erishishi, tabiiyki, kelgusi avlodning ishonchli kelajagi kafolatidir. Ustozga kelgusi  faoliyatiga zafarlar tilab qolamiz!