Jumaniyazov Nazar Egamberginovich

Men musiqa fani o‘qituvchisi sifatida o‘quvchilarga musiqiy bilim va ijodiy ko‘nikmalar berishga, milliy musiqamizga bo‘lgan mehrini oshirishga intilib kelaman. Dars jarayonida zamonaviy texnologiyalar va ijodiy yondashuvlardan samarali foydalanaman. Faoliyatimdagi muhim yutuqlardan biri — 4-sinf “Musiqa savodxonligi” darsligiga men yaratgan 4 ta qo‘shiqning kiritilayotganidir. Bu men uchun katta ijodiy e’tirof va mas’uliyatdir. Shuningdek, ta’lim jarayonini qo‘llab-quvvatlash maqsadida “Nazarbek Karaoke” YouTube kanalini yuritaman. Kanalda o‘quvchilar, maktab va bog‘cha tarbiyalanuvchilari uchun qo‘shiqlar, karaoke materiallari hamda ta’limiy musiqiy kontentlar tayyorlayman. Kanalim orqali musiqa fanini o‘rganishni yanada qiziqarli va qulay qilishga hissa qo‘shib kelmoqdaman. Asosiy maqsadim — ijodkor, bilimli va milliy qadriyatlarga hurmat ruhida tarbiyalangan yosh avlodni shakllantirish hamda o‘zbek musiqa ta’limi rivojiga munosib hissa qo‘shish.